"Барселона" марказий ҳимоячиси Пау Кубарси клуб билан янги шартнома имзолаганидан кейинги ҳиссиётлари билан ўртоқлашди.
Каталония гранди пайшанба куни 18 ёшли футболчи билан шартномани узайтирганини расман эълон қилди. Вундеркинднинг келишуви 2029 йилнинг ўрталарига қадар мўлжалланган.
"Барселона" футболчиси бўлиш - ўзига хос ҳиссиёт. Бунинг маъносини сўз билан ифодалаб беролмайман. Бу мен учун ғурур манбаи.
Мақсадим - қолиш ва дунёнинг энг яхши клубида ўйнашда давом этиш эди. "Барселона"га совринлар олиб келиш учун барча ишни қиламиз," - дея испаниялик ёш футболчининг сўзларини келтиради «Managing Barca».
