«Манчестер Юнайтед» бош мураббийи Рубен Аморим клубдаги молиявий муаммолар ва ходимлар сонининг қисқариши ҳақида ўз фикрини билдирди.

«Бу муаммолар клуб учун янги эмас. Биз фэйр-плей қоидаларини билардик. Муаммо бор, лекин у менинг жамоани тайёрлашим ва ўйинларга тайёргарлик кўриш усулимга таъсир қила олмайди. Мен фақат шуларга эътибор қаратяпман, бошқа нарсаларга эмас.

Нимадир қилиш учун футболчиларни сотиш керак. Ҳаммаси жуда оддий. Менинг вазифам – ўйинга тайёргарлик кўриш. Ҳозирги пайтда трансфер ойнаси ёпиқ, биз ҳеч нарса қила олмаймиз.

Биз қолган ўйинларга эътибор қаратишимиз керак, ёзда эса нима бўлишини кўрамиз», – деди мураббий Sky Sports нашрига.

16 феврал куни «Манчестер Юнайтед» АПЛнинг 25-турида «Тоттенхэм»га қарши баҳс олиб боради. 24 турдан сўнг манкунианликлар 13-ўринда, «шпорлар» эса 14-ўринда жойлашган.