"Барселона" ярим ҳимоячиси Фермин Лопес жамоадаги ҳолати ҳақида гапирди.
21 ёшли испаниялик футболчи ҳозирча "кўк-анорранглилар"нинг асосий таркибига кира олмади, аммо ўзини ротациянинг муҳим ўйинчиси сифатида кўрсатди.
"Мен доим тайёрман, меҳнаткашман. Хави, Деку ва Флик билан ишлаш менга ишонч бағишлади - энди ўз футболимни кўрсата оламан, бунинг учун улардан жуда миннатдорман. Мен ҳар доим сояда эдим, ўзимни исботлашим керак эди. Йўлим қийин бўлди, аммо бу тажриба туфайли "Барса"нинг асосий жамоасидаги ўрнимни янада қадрлайман - мен буни орзу қилганман," - дея Фермин Лопеснинг сўзларини келтиради Barca Universal.
