"Байер" жамоаси бош мураббийи Хаби Алонсо яқин келажакда "Реал"да Карло Анчелоттининг ўрнини эгаллаши мумкин.
Испаниялик мураббий "доришунослар" раҳбарияти билан "Реал" бўйича келишувга эришган: агар у "қироллик клуби"га таклиф этилса, ҳозирги иш берувчилари уни ушлаб қолишга уринишмайди. Relevo нашри маълумотларига кўра, ҳозирда "Реал" раҳбарияти Анчелоттига ишонч билдирмоқда, бироқ агар "қаймоқранглилар" жорий мавсумда Чемпионлар Лигаси, Ла Лига ва Испания Кубогининг бирортасида ҳам ғалаба қозона олмаса, келаси ёзда италиялик мураббий ўз ўрнини Алонсога бўшатиб беради.
Ҳар икки мутахассиснинг амалдаги шартномалари 2026 йилнинг ўрталаригача мўлжалланган.













