"Брайтон" вингери Каору Митомага Лондоннинг "Челси" клуби қизиқиш билдирмоқда.
Япониялик сўнгги пайтларда икки марта “кўклар”ни ранжитди: 8 февраль куни Англия кубоги доирасида Энцо Мареска жамоасига қарши ўйинда (2:1) “денгиз отлари”га ғалаба келтирувчи гол муаллифи бўлди, олти кундан сўнг эса Премьер-лига ўйинида (3:0), 27-дақиқада гол урди.
Transfer News Live нашрининг хабар беришича, "Челси" Митомани сотиб олиш вариантини кўриб чиқмоқда.
Лондон гранди трансфер ойнаси очилганда 27 ёшли футболчи учун 75 миллион фунт (90 миллион евро) таклиф қилиши мумкин.
