"Манчестер Сити" бош мураббийи Хосеп Гвардиола "Ньюкасл Юнайтед"га қарши (4:0) Англия премьер-лигасининг 25-тур учрашувидан сўнг жамоанинг янги футболчиси, испаниялик ярим ҳимоячи Нико Гонсалес ҳақида гапирди.

"Никонинг борлиги ўйинларда бизга кўп ёрдам беради. Аммо бундан ҳам яхшироқ бўлиши мумкин. Клуб келажакка ажойиб сармоя киритди.

У жисмоний ҳолат бўйича дунёдаги энг яхшилардан бўлган "Барселона" академиясининг ўйинчиси эди.

Консейсау (собиқ "Порту" бош мураббийи) унинг янада тажовузкор ва ақлли бўлишига катта ёрдам берган, шунингдек, турли услубларда ўйнашни ўргатган.

У 23 ёшда ва Родрини эслатади. Бу катта илтифот. У ҳаводаги курашларда ғалаба қозонади. Аммо бошқа жиҳатларда у ҳали ишлаши керак, чунки Родри - дунёнинг энг зўри", - дея Гвардиоланинг сўзларини келтирмоқда «шаҳарликлар» расмий сайти.