Карло Анчелотти "Осасуна"га қарши ўйинда ҳакамликдан норози бўлди.

Ла Лиганинг 24-туридан ўрин олган “Реал” ва “Осасуна” жамоалари ўртасидаги ўйин 1:1 ҳисобида якунланди. Учрашувни Хосе Мунуера Монтеро бошчилигидаги ҳакамлар бригадаси бошқариб борди.

Мадридликлар бош мураббийи ўйиннинг 21-дақиқасида сариқ карточка олди. У бир неча бор ҳакамга ҳимоячи Хуан Крузнинг қўлига тегиб кетган тўп учун пенальти белгилаши кераклигини таъкидлаган.

Marca хабарига кўра, Анчелотти Виниус Жуниор билан боғлиқ вазиятлар юзасидан норозилик билдирган ва пенальти белгиланиши кераклигини айтган.

Мураббийнинг эътирозларидан сўнг Монтеро унинг ёнига бориб: "Мен билан ҳурмат билан гаплашишингиз керак" деди ва унга сариқ карточка кўрсатди.

Лекин бу аниқ, бу аниқ пеналти, - деди Анчелотти. Кейин, Мовистар трансляциясидаги субтитрларга кўра, у захира ўриндиғида қолган ва баланд овозда сўкинган.