Френки де Йонг "Барселона"да бахтли.

Mundo Deportivo хабарига кўра, нидерландиялик ярим ҳимоячи ўзини клуб лойиҳасида муҳим ўйинчи сифатида ҳис қилмоқда ва Ханси Флик билан ҳамкорлик қилишдан мамнун.

"Барселона" бош мураббийи унга ҳозир ҳам, келажакда ҳам умид қилишини айтди.

Бундан ташқари, Де Йонг жамоанинг рақобатбардошлигига ва бу мавсумда ҳам, кейинги мавсумда ҳам барча совринлар учун кураша олишига ишонади.

Футболчи ўзини клубда бахтли ҳис қилмоқда ва 2026 йилда тугайдиган шартномасини узайтирмоқчи, аммо унинг учун молиявий шартлардан кўра "Барселона"нинг спорт лойиҳаси муҳимроқ.

Шу билан бирга, де Йонг ва унинг атрофидагилар клуб раҳбарияти билан шартномани узайтириш масаласини ҳозирча муҳокама қилишга ҳали эрта эканига рози - бу ҳақда ярим ҳимоячининг агенти аввалроқ «Барселона» спорт директори Декуни хабардор қилганди.