Элит Чемпионлар Лигаси гуруҳ босқичи охирги турида "Пахтакор" Қатарнинг "Ас-Садд"га қарши "Жар" стадионида майдонга тушади.

“Ас-Садд”га қарши ўйинлар 2011 ва 2019 йил гуруҳ босқичига тўғри келган. Дохада мезбонлар ҳар икки ўйинда 2:1 ҳисобида зафар қучишган бўлса, Тошкентда 1:1 ва 2:2 ҳисобида дуранг қайд этилган.

“Пахтакор”нинг Қатарнинг 6 клубига қарши жами 20 учрашувда майдонга тушган. “Гарафа” билан энг кўп дуч келган – 7 бор. "Садд" ва "Духайл" билан тўрт мартадан, “Қатар” СК ва “Араби” билан иккитадан, "Райян" билан бир учрашув ўтказилган. Бу ўйинларда 5 ғалаба, 5 дуранг ва 10 мағлубият кузатилган. Рақиблар дарвозалари 26 марта ишғол қилиниб, 31 тўп ўтказиб юборилган.

"Пахтакор" ва "Ас-Садд" жамоалари ўртасидаги ўйин 17 февраль, душанба куни "Жар" стадионида соат 19:00да бошланади.

Қуйида ”Пахтакор” билан тўқнаш келган Қатар клублари ва натижалар акс этган.

“Ал Гарафа” - 3:0, 3:4, 2:2, 2:0, 0:1, 1:2, 0:1
“Қатар” СК - 1:0, 0:0
“Ас-Садд” - 1:1, 1:2, 2:2, 1:2
“Ал Араби” - 3:1, 1:0
“Духайл” - 1:3, 2:2, 2:3, 0:3
"Райян" - 0:1.