Elit Chempionlar Ligasi guruh bosqichi oxirgi turida "Paxtakor" Qatarning "As-Sadd"ga qarshi "Jar" stadionida maydonga tushadi.

“As-Sadd”ga qarshi o‘yinlar 2011 va 2019 yil guruh bosqichiga to‘g‘ri kelgan. Doxada mezbonlar har ikki o‘yinda 2:1 hisobida zafar quchishgan bo‘lsa, Toshkentda 1:1 va 2:2 hisobida durang qayd etilgan.

“Paxtakor”ning Qatarning 6 klubiga qarshi jami 20 uchrashuvda maydonga tushgan. “Garafa” bilan eng ko‘p duch kelgan – 7 bor. "Sadd" va "Duxayl" bilan to‘rt martadan, “Qatar” SK va “Arabi” bilan ikkitadan, "Rayyan" bilan bir uchrashuv o‘tkazilgan. Bu o‘yinlarda 5 g‘alaba, 5 durang va 10 mag‘lubiyat kuzatilgan. Raqiblar darvozalari 26 marta ishg‘ol qilinib, 31 to‘p o‘tkazib yuborilgan.

"Paxtakor" va "As-Sadd" jamoalari o‘rtasidagi o‘yin 17 fevral, dushanba kuni "Jar" stadionida soat 19:00da boshlanadi.

Quyida ”Paxtakor” bilan to‘qnash kelgan Qatar klublari va natijalar aks etgan.

“Al Garafa” - 3:0, 3:4, 2:2, 2:0, 0:1, 1:2, 0:1
“Qatar” SK - 1:0, 0:0
“As-Sadd” - 1:1, 1:2, 2:2, 1:2
“Al Arabi” - 3:1, 1:0
“Duxayl” - 1:3, 2:2, 2:3, 0:3
"Rayyan" - 0:1.