"Реал" бош мураббийи Карло Анчелотти Ла Лига доирасида "Осасуна"га қарши ўйин олдидан ҳимоячилар Антонио Рюдигер, Давид Алаба ва Лукас Васкес "Манчестер Сити"га қарши Чемпионлар лигасида ўйнай олишини айтди.
Бироқ, вазият унчалик аниқ эмас. AS хабарига кўра, "Реал Мадрид" Васкесни "Манчестер Сити"га қарши ўйинга тайёр бўлишини кутмаяпти. Катта эҳтимол билан Федерико Вальверде яна ҳимоянинг ўнг қанотида ўйнашга мажбур бўлади.
Антонио Рюдигер ва Давид Алабага келсак, немис ва австрияликда тикланиш имконияти бор. Бироқ, бу масала бўйича 100% ишонч йўқ.
19 февраль, чоршанба куни “Реал Мадрид” ва “Манчестер Сити” клублари жавоб ўйини ўтказади. Биринчи ўйинда "қаймоқранглилар" 3:2 ҳисобида зафар қучганди.
