"Интер" ҳужумчиси Маркус Тюрам Англия премьер-лигасига ўтиши мумкин.
Inter Live хабарига кўра, 27 ёшли франциялик футболчининг хизматларига Лондоннинг "Тоттенхэм" клуби қизиқиш билдирмоқда.
Инглиз клуби Тюрам «Бавария»га кетган Харри Кейннинг ўрнини боса олишига ишонмоқда ва шу фонда «шпорлар» янги футболчи учун 80 миллион евро атрофида тўлашга тайёр, дея хабар беради манба.
Тюрам жорий мавсумда барча турнирларда 32 та ўйинда майдонга тушиб, 14 та гол урди ва 8 та голли узатмани амалга оширди.













