"Inter" hujumchisi Markus Tyuram Angliya premyer-ligasiga o‘tishi mumkin.

Inter Live xabariga ko‘ra, 27 yoshli fransiyalik futbolchining xizmatlariga Londonning "Tottenxem" klubi qiziqish bildirmoqda.

Ingliz klubi Tyuram «Bavariya»ga ketgan Xarri Keynning o‘rnini bosa olishiga ishonmoqda va shu fonda «shporlar» yangi futbolchi uchun 80 million yevro atrofida to‘lashga tayyor, deya xabar beradi manba.

Tyuram joriy mavsumda barcha turnirlarda 32 ta o‘yinda maydonga tushib, 14 ta gol urdi va 8 ta golli uzatmani amalga oshirdi.