"Манчестер Сити" бош мураббийи Хосеп Гвардиола ярим ҳимоячи Нико Гонсалесни қандай позицияларда кўраётгани ҳақида гапирди.

23 ёшли футболчи "шаҳарликлар" томонидан қишки трансферлар вақтида "Порту"дан 60 млн еврога сотиб олинган эди.

"Менимча, Нико "саккизлик"да ҳам, "олтилик"да ҳам ўйнай олади. "Барселона"да у кўпроқ "саккизлик" позициясида бўлган - у жарима майдонига киришни, рақибларини алдаб ўтишни билади. У келгач, бу ҳақда унутишга ва ҳимоячилар олдидаги позицияларда ўйнашга руҳан тайёргарлик кўришга тўғри келди. Шунингдек, у требл қилган мавсумимиздаги Гюндоган ролида ўйнашга қодир, ҳужумкор ярим ҳимоячи ва ҳимоячи ҳам бўлиши мумкин," - деди Гвардиола матбуот анжуманида.