Туриннинг "Ювентус" клуби марказий ҳимоячиси клуб билан шартномасини узайтиради.

Журналист Николо Шкиранинг хабарига кўра, 26 ёшли Федерико Гатти "Ювентус"да узоқ вақт қолишни режалаштирмоқда. Яқинда клуб ва футболчи ўртасида маошини сезиларли даражада оширган ҳолда шартномани узайтириш бўйича дастлабки музокаралар бўлиб ўтди.

Қайд этилишича, "Ноттингем Форест" Италия жамоаси футболчисига ўзига хос қизиқиш билдирган, бироқ у қишки трансфер ойнаси вақтида бу трансферни рад этган.

Федерико Гатти жорий мавсумда клуб сафида барча турнирларда 33 та ўйинда майдонга тушиб, 1 та гол урди ва 2 та голли узатмани амалга оширди.