"Бетис"да ижара асосида ўйнаётган "Барселона"нинг бразилиялик ҳужумчиси Витор Роке муддатидан аввал Каталония клубига қайтиши мумкин.
«Fichajes» хабарига кўра, Бразилиянинг "Палмейрас" клуби 19 ёшли форвард хизматларига қизиқиш билдирмоқда ва футболчини шу қишда сотиб олишга тайёр. Хабар қилинишича, "Барселона" Рокенинг ижарасини тугатиш учун "Бетис" билан музокараларни бошлаган ва агар ҳаммаси яхши бўлса, ҳужумчи тез орада ватанига қайтишдан олдин "кўк-анорранглилар" сафига қайтиши мумкин.
Жорий мавсумда Роке барча турнирларда 31 та ўйинда майдонга тушиб, 7 та гол урди ва 2 та голли узатмани амалга оширди.
