Фарғонадаги учрашувдан кейин футболчиларга қисқа муддатли таътил берилди.
Маълумки, қарийб уч ҳафта вақт мобайнида миллий чемпионатда терма жамоамиз иштирокидаги жаҳон чемпионати саралаш учрашувлари туфайли танаффус эълон қилинган.
“Бунёдкор”нинг бир неча етакчи футболчилари Ўзбекистон миллий терма жамоасига чақирилган. Булар, дарвозабон Игнатий Нестеров ва Муроджон Зухуров, ҳимоячилар Акмал Шораҳмедов ва Артём Филипосян, ярим ҳимоячилар Жасур Ҳасанов, Фозил Мусаев, Олег Зотеев.
4 июндан 10 июнга қадар қолган футболчилар тоғ шароитида чемпионатнинг қолган қисмига тайёргарлик кўришади. Ундан кейинги машғулотлар Тошкентга кўчади.
