“Олимпик”нинг собиқ президенти Жан-Мишель Олас 2026 йил мартида бўлиб ўтадиган Лион муниципал сайловларида иштирок этиш ҳақида ўйлаётганини айтди.
"Мен Лионни доим яхши кўрганман, бу шаҳар дунёдаги энг зўр бўлиб қолиши керак. Албатта, мен ўз номзодимни илгари суриш ҳақида ўйлаяпман. Ажабланарлиси шундаки, жуда кўп сўровлар бор ва улар ҳамма жойдан - тадбиркорлар, ёшлар, сиёсатчилар ва савдогарлардан келади", - дея тушунтирди Олас.
75 ёшли тадбиркор 2022 йилда клубни америкалик Жон Тексторга сотишдан олдин 36 йил давомида "Олимпик Лион"ни бошқарган.
