“Аталанта” бош мураббийи Жан Пьеро Гасперини ЕЧЛ плей-офф босқичи жавоб ўйинида “Брюгге”дан учралган мағлубият (1:3) ҳақида фикр билдирди.

"Биз турнирдан чиқиб кетишга лойиқ эдик, келинг, "Брюгге"ни ҳурмат қилайлик. Бу иккита ғалати ўйин эди. Чемпионлар лигаси эпизодлар турниридир.

Бугун биз эрта гол ўтказиб юбордик ва рақибимиз вазиятдан тўлиқ фойдаланди. Танаффусгача 0:3 бу адолатсизлик эди. 2:1 бўлиши керак эди. Кўп турли хил кутилмаган вазиятлар бўлди. 180-дақиқада, айниқса, иккинчи бўлимда бизда кўп имкониятлар бўлди. Амалга оширилмаган пеналти иштиёқимизни сўндирди", - дея Гасперини сўзларини келтиради УEФА матбуот хизмати.