"Қизилқум" кеча янги мавсумга тайёргарлик давомида КХДР терма жамоасига қарши ўртоқлик ўйини ўтказди ва 0:1 ҳисобида имкониятни бой берди.

Навоийликлар бош мураббийи Никола Лазаревич учрашувдан сўнг ўз фикрларини билдириб ўтди.

- Биз Анталиядаги йиғин доирасида энг яхши жамоага қарши ўйнадик. Рақиб шаклланган ва мураккаб тактикага эга эканлиги кўриниб турибди. Биз ҳам бу ўйинга яхши тайёргарлик олиб борган эдик. Яна бир жиҳатни инобатга олиш керак, Шимолий Кореяликлар бу ерда анчадан бери ўқув йиғин машғулотларини олиб бормоқда.

- Рақибга қарши қандай тактик ишланмаларни мақсад қилган эдингиз?

- Бугун рақибларга қарши тактик ишланмаларни кўриб чиққан эдик, улар бизга қарши янада ҳужумкорлик билан тўп тепди. Футболчилар эса жисмонан жуда бақувватлиги аниқ эди. Режага кўра, биз футболчиларимизнинг жисмонан қанча вақтга чидамлилигини кўриб олишни мақсад қилган эдик. Тўғри бизда кўплаб голга тортадиган вазиятлар бўлди лекин рақиб жамоа ўйин давомида тўпга эгалик қилди ва бизнинг биргина хатойимиз эвазига дарвозамизни ишғол этди. Назорат учрашувлари орқали янги мавсумга тайёргарликни давом эттираяпмиз, бугунги ўйин орқали айрим камчиликларимизни кўриб, билиб олдик. Уларни бартараф этишда давом этамиз. Яна қайтараман бугун йиғин давомидаги энг жиддий рақиб билан куч синашдик ва бу баҳсдан ўзимиз учун муҳим хулосаларни чиқариб олдик.