Испаниянинг «Севилья» клуби яримҳимоячиси Хесус Навас Англиянинг «Манчестер Сити» клубига ўтишга яқин турибди. Бу ҳақда «The Guardian» нашри хабар тарқатди.
Манбанинг маълум қилишича, «Сити» футболчининг трансфери учун испан клубига 17 миллион фунт стерлинг миқдорида маблағ тўлайди. Шунингдек, Наваснинг жамоадаги ўйинига қараб турли бонуслар ҳам тақдим этилади. Уларнинг умумий миқдори 7,5 миллион фунт стерлингни ташкил қилади.
Наваснинг трансфери тез орада эълон қилинади. Футболчининг ўзи эса Испания терма жамоаси билан Конфедерациялар кубогида иштирок этиб қайтгач, «шаҳарликлар» сафига бориб қўшилади.