«Реал Мадрид» бош мураббийи Карло Анчелотти Килиан Мбаппенинг Чемпионлар Лигаси "Манчестер Сити" (3:1)га қарши ўйиндаги хет-триги ҳақида гапириб, уни Криштиану Роналду билан солиштирди.

«Ҳамма Мбаппедан хет-трик кутаётган эди ва у содир бўлди. Аммо бизда фақат у эмас. Бизда катта тафовут ярата оладиган футболчилар кўп, ва улар буни жамоавий иш туфайли амалга оширмоқда.

Мбаппе Криштиану даражасига ета оладими? Унинг бундай кўрсаткичларга эришиш учун керакли сифатлари бор, аммо ишлаш керак. Чунки Криштиану жуда баланд меъёр ўрнатган. Бироқ у бу ерда ўйнашга шундай иштиёқ билан ёндашмоқдаки, унга бунга эришиш имконияти бор. Аммо бу осон бўлмайди. У меҳнат қилиши керак», – деди Анчелотти AS нашрига.

Мбаппе жорий мавсумда 38 та ўйинда 28 та гол ва 4 та ассист қайд этган.