"Аякс" Европа Лигаси плей-оффининг жавоб ўйинида "Юнион"га мағлуб бўлди - 1:2. Ўйин Амстердамда бўлиб ўтди.
16-дақиқада ҳимоячи Кевин Макаллистер меҳмонларни ҳисобда олдинга олиб чиқди. Биринчи бўлим ўрталарида мезбонлар бир киши кам бўлиб қолди, ярим ҳимоячи Деви Классен қизил карточка олди. Ҳужумчи Промис Девид 28-дақиқада пенальтидан гол уриб, меҳмонларнинг иккинчи голига муаллифлик қилди.
Биринчи ўйинда амстердамликлар 2:0 ҳисобида ғалаба қозонгани учун жамоалар яна икки бўлимда 15 дақиқадан ўйнашди. Учрашувнинг 93-дақиқасида "Аякс" ярим ҳимоячиси Кеннет Тейлор пенальтини аниқ амалга оширди ва жамоаси турнирнинг 1/8 финалига йўл олди.
Қуръа 21 февраль, жума куни бўлиб ўтади. "Аякс" "Айнтрахт" ёки "Лион" билан ўйнайди.
