"Челси" ёзги трансферлар вақтида ҳужум чизиғини кучайтириш учун катта маблағ сарфлашга тайёр.

"Кўклар" "Байер" клубидан Виктор Бонифасега алоҳида эътибор қаратмоқда. Лондон гранди нигерияликни трансфер мақсади сифатида белгилади ва унинг учун тахминан 58 миллион фунт стерлинг (деярли 70 миллион евро) таклиф қилиши мумкин, деб хабар беради Transfer News Live Fichajes нашрига таяниб. Январь ойида 24 ёшли футболчига қизиқиш Саудия Арабистонининг "Ан-Наср" клуби томонидан билдирилганди.

Виктор Бонифасе жорий мавсум Хаби Алонсо жамоаси сафида 18 та ўйинда майдонга тушиб, ўнта гол ва битта ассист муаллифига айланди.