"Андерлехт" Европа Лигаси плей-оффи доирасида "Фенербахче"га қарши кечган жавоб ўйинида (2:2) трибунадаги тартибсизликлар юзасидан расмий баёнот берди.
"Клуб воқеа иштирокчиларнинг хатти-ҳаракатларини кескин қоралайди. Шу якшанба куни "Юнион"га қарши ўйин учун Н5 секторини ёпишга қарор қилинди.
Клуб тартибсизлик иштирокчиларнинг кейинги ўйинларга келишини тақиқлаш учун керакли чораларни кўради. Тартибсизликларнинг барча иштирокчилари полиция билан биргаликда аниқланади ва уларга стадионда бўлиш тақиқланади," - дейилади "Андерлехт" сайтидаги пресс-релизда.
Ўйин биринчи бўлимнинг 8-дақиқасида трибуналардаги жанжал туфайли тўхтатилди. Учрашув 15 дақиқадан сўнг давом эттирилди.
