Чемпионлар лигасининг 1/8 финалида Германиянинг икки клуби - "Бавария" ва "Байер" ўзаро тўқнаш келишади. Қуръа натижаси ҳақида Мюнхен жамоасининг тажрибали ҳужумчиси Томас Мюллер фикр билдирди.
"Немис мутахассисларининг фикрига кўра, "Байер" жуфтлигимизда аниқ фаворит ҳисобланади. Биз эса, мутлақ аутсайдерлар сифатида, ўзимизни кўрсатиб қўйишни истаймиз. Шундай эмасми, ҳурматли экспертлар?" - дея Мюллер сўзларини келтиради "Бавария" матбуот хизмати.
"Бавария" ва "Байер" ўртасидаги биринчи учрашув 5 март чоршанба куни Мюнхенда бўлиб ўтади. Жавоб ўйини эса 11 март сешанба куни Леверкузенда ташкил этилади.
