Мадриднинг "Реал" клуби 22 ёшли марказий ҳимоячиси Рауль Асенсиога Европанинг бир қатор клублари қизиқиш билдирмоқда. Бу ҳақда «Relevo» хабар бермоқда.
Манбага кўра, ўтган трансфер ойнасида "ПСЖ" испаниялик футболчини қўлга киритишга уриниб кўрган. Таъкидланишича, "қаймоқранглилар" Асенсиони сотиш ниятида эмас. Футболчининг ўзи ҳам "Қироллик клуби"ни тарк этишни истамаяпти. 22 ёшли ҳимоячининг шартномасида 50 млн евро товон пули кўрсатилган.
Жорий мавсумда Асенсио барча мусобақаларда 34 та ўйинда майдонга тушиб, 2 та голли узатмани амалга оширди.
