"ПСЖ" бош мураббийи Луис Энрике грузиялик вингер Хвича Кварацхелияни харид қилгани ҳақида фикр билдирди.

Эслатиб ўтамиз, 24 ёшли футболчи қишки трансфер ойнасида парижликлар сафига "Наполи"дан ўтган эди.

"Хвичанинг трансферидан мақсад жамоани кучайтириш эди. Агар ўйинчида рақобат бўлса, у яхшиланади. Баркола ўтган мавсумда муҳим ўйинчи эди. У буюк келажаги бўлган умидли футболчи, ҳозирда, ўтган мавсум ўрталаридан бошлаб, бизнинг ўйин услубимиз учун муҳим ўйинчи бўлиб келмоқда" - деди Энрике.

Жорий мавсумда 22 ёшли Баркола барча турнирларда 36 та ўйин ўтказиб, 16 та гол урди ва 9 та голли узатмани амалга оширди. Кварацхелия "ПСЖ" либосида майдонда 7 та ўйинда майдонга тушиб, 2 та гол урди ва 2 та голли узатмани амалга оширди.