Майкл Оуэн "Манчестер Юнайтед" дарвозасига белгиланган пенальтидан кейин ВАРни танқид қилди.
АПЛнинг 26-турида "Эвертон" ўз майдонида "Манчестер Юнайтед" билан 2:2 ҳисобида дуранг ўйнади.
93-дақиқада аввалроқ "МЮ"да ўйнаган ҳимоячи Эшли Янг қайтган тўпга зарба бермоқчи бўлди ва "Манчестер Юнайтед" ҳимоячиси Маттейс де Лигт томонидан ушлаб қолиниб, майдонга йиқилди. Ўша вазиятда Гарри Магуайр ҳам иштирок этди.
Бош ҳакам Энди Мэдли нуқтани кўрсатди. Бироқ ВАР ҳакамлари воқеага аралашиб, Мэдлини такрорий ўйинни текширишга таклиф қилишди. Энди видеони томоша қилди ва ўзининг дастлабки қарорини ўзгартирди.
"Мен ВАР мухлисиман, лекин охирги дақиқада пенальти бетартиб бўлди.
Бу ҳодисада Магуайр айбдор эмас эди, бироқ ВАР бир неча бор ҳакамга бошқа ракурсни таклиф қилди ва де Лигт Янгнинг футболкасини тортаётганини кўрсатмади. Шунчаки, ВАР буни пайқамади ва қоидабузарлик қилган нотўғри ўйинчига эътибор қаратди.
Ҳакам Магуайр томонидан қўполлик деб ҳисоблагани учун пенальти белгилади. Ҳакамлар текширувини интиқлик билан кутаман" - деб ёзди "Манчестер Юнайтед"нинг собиқ ҳужумчиси Майкл Оуэн.
