Тибо Куртуа Бельгия терма жамоасида ўйнашни соғинишини айтди.

"Реал Мадрид"да ҳамма мени ҳурмат қилади - президентдан тортиб фаррошгача. Мен ҳамма билан гаплашаман ва "хайрли тонг" дейман. Мен "Олтин тўп" совриндорлари, супер юлдузлар билан бир жамоада ўйнаганман – сиз улардан ҳурмат ҳис қиласиз, улар сизни тинглашади, сизнинг фикрингизни ҳисобга олишади.

Терма жамоада, қолаверса, Бельгия матбуотида ҳам муносабат бутунлай бошқача эди – ҳаммаси бир жойга тўғри келди ва қайсидир пайт мени ақлдан оздирди. Орадан бир ярим йил ўтиб, жароҳат олиб, жамоадан ташқарида қолганимдан сўнг, Бельгия терма жамоасида ўйнашни ва катта турнирларда ўйнашни жуда соғиндим, деб айта оламан.

- Бу 2034 йилда Саудия Арабистонида бўлиб ўтадиган жаҳон чемпионатида иштирок этишингиз мумкинлигини англатадими?

- Унда Буффон каби ўйнашим керак бўлади. Мен ҳозир 33 ёшдаман, ўшанда эса 42 ёшда бўламан" - деди Куртуа Рио Фердинандга берган интервьюсида кулиб.