"Ливерпуль" бош мураббийи Арне Слот ўзидан олдинги Юрген Клопп жорий мавсумда "Энфилд"га икки марта ташриф буюриш таклифини рад этганини тан олди.
Слот ўтган мавсум охирида "Ливерпул"ни тарк этган ва 1 январдан "Ред Булл"да футбол бўлими бошлиғи лавозимини эгаллаган Клопп ишини муваффақиятли давом эттирди.
Слотнинг сўзларига кўра, "Ливерпуль" ҳар доим Клоппни қайтаришдан хурсанд бўларди, аммо Юрген ҳозирда бунинг учун жуда банд.
"Агар келса қарши бўлмасдим. Уни "Манчестер Сити" ва "Реал"га қарши ўйинларга таклиф қилганимни эслайман, лекин у менга дунёнинг бошқа жойида бизнеси борлигини айтди.
У бу ерга ҳоҳлаган вақтда келиши мумкин, хоҳ у машғулот майдони бўладими, хоҳ ўйинлар бўладими. Бу ерда уни жуда яхши кутиб олишади.
Аммо ҳозирда унинг иши бор ва мавсумнинг биринчи ярмида у турмуш ўртоғи билан банд бўлиб, ҳаётдан завқланди. Мен учун у доим меҳмон бўлиб қолади", - деди Слот.
