"Манчестер Сити" ва Аргентина терма жамоаси собиқ ҳужумчиси Серхио Агуэро "Реал" ҳужумчилари Винисиус Жуниор ва Родриго ҳақида фикр билдирди.
"Винисиус ва Родриго ўйин давомида бошқа ўйинчиларни масхара қилиш учун кўп сўзларни айтишади, бу ҳақда ҳеч ким гапирмайди, лекин сиз уларга бирор нарса десангиз, бу футболчининг тақдири нима бўлишини бутун дунё билади", - деди Агуэро Reveal билан суҳбатда.
Эслатиб ўтамиз, Агуэро 33 ёшида юраги билан боғлиқ муаммолар туфайли футболчилик фаолиятини якунлаган эди. Аввалроқ футболчи “Атлетико”, “Манчестер Сити”, “Барселона” каби клубларда ўйнаган.
