Мадриднинг «Реал» клуби ярим ҳимоячиси Лука Модрич жорий мавсум якунлангандан сўнг ҳам жамоада қолишни мақсад қилган.
Relevo нашрининг хабар беришича, хорватиялик футболчи «қироллик клуби» билан шартномасини яна бир йилга узайтиришни хоҳламоқда. Таъкидланишича, 39 ёшли футболчи клуб раҳбариятининг таклифини кутиб турибди. Эслатиб ўтамиз, Модричнинг «Реал» билан амалдаги шартномаси 2025 йил ёзигача мўлжалланган.
Модрич 2012 йилдан буён «қироллик клуби» шарафини ҳимоя қилиб келмоқда. Шу давр мобайнида у барча мусобақалар доирасида 574 та ўйинда майдонга тушиб, 42 та гол урган ва 92 та голли узатма амалга оширган.













