"Бетис" вингери Антони Испаниядаги ўйини билан Европа грандлари эътиборига тушди.
Севильяликлар 24 ёшли футболчини январь ойида "Манчестер Юнайтед"дан ижарага олганди - шартнома мавсум охиригача мўлжалланган. Антони "Бетис" сафида 6 та ўйинда майдонга тушиб, 3 та гол ва 2 та голли узатмани амалга оширишга муваффақ бўлди.
Fichajes хабарига кўра, бразилиялик футболчи учун курашга Туриннинг "Ювентус" клуби қўшилган.
Аввалроқ, ОАВда футболчига Мюнхеннинг "Бавария" клуби қизиқиш билдираётгани ҳақида хабарлар тарқалган эди.
Антонининг "Манчестер Юнайтед" билан шартномаси 2027 йилгача мўлжалланган.
