Мадриднинг "Реал" клуби ярим ҳимоячиси Лука Модрич "Жирона"га қарши ўйинда урилган голдан кейин ҳиссиётлари билан ўртоқлашди.
Испания чемпионатининг 26-туридан ўрин олган ўйин 2:0 ҳисобида якунланди. Модрич узоқ масофадан аниқ зарба йўллаб, рақиб дарвозасини ишғол этган ҳолда биринчи гол муаллифига айланди.
"Бир ўзим қолгандим, тўпни назорат қилдим, яхши зарба бердим ва у дарвозага кириб кетди. Энг яхши голлардан бирими, билмадим, лекин чиройли гол бўлгани аниқ. "Бернабеу"да гол уриш ҳар доим ёқимли," - деди Модрич ўйин якунлангач.
