"Реал" ҳужумчиси Родриго Англия Премьер-лигасининг топ-клубига кетиши мумкин, деб хабар бермоқда Todofichajes портали. Журналистларга маълум бўлишича, 24 ёшли бразилиялик футболчига Лондоннинг "Арсенал" клуби қизиқиш билдирмоқда.
"Канонирлар" ёзги трансфер ойнасида форвардни қўлга киритишга ҳаракат қилмоқчи. Англия топ-клуби Родригони сотиб олиш учун 85 миллион евро ажратишга тайёр.
Бразилиялик футболчи Испания Ла Лигасининг жорий мавсумида 22 та ўйин ўтказди. Ҳужумчи олтита гол урди ва бешта голли узатмани амалга оширди. Унинг клуби билан меҳнат шартномаси 2028 йилнинг ўрталарига қадар тузилган.
