А Сериянинг 26-турида "Рома" ўз майдонида "Монца"ни йирик ҳисобда мағлуб этди (4:0). Элдор Шомуродов асосий таркибда майдонга тушди ва 32-дақиқага келиб, гол ҳамда ассист қайд этди.

Жорий мавсумда ўзбек ҳужумчиси барча мусобақаларда 7 та самарали ҳаракат (гол+пас) амалга оширган. У бунга 757 дақиқа ичида эришган бўлиб, ўртача ҳар 108 дақиқада гол ёки ассист беради.

Артём Довбик эса 15 та самарали ҳаракат қайд этиб, 2419 дақиқа ўйнаган. Бу эса унинг ҳар бир гол ёки ассист учун ўртача 161 дақиқа сарфлашини кўрсатади.

"Рома" бошқа ҳужумчиларининг кўрсаткичлари:

- Алексис Салемакерс – 153 дақиқа,
- Пауло Дибала – 158 дақиқа,
- Стефан Эл-Шаарави – 209 дақиқа,
- Матиас Суле – 302 дақиқа.