"Фиорентина" ҳужумчиси Мойзе Кинга Англия Премьер-лигаси клублари қизиқиш билдиришда давом этмоқда.

24 ёшли футболчи 15 та гол билан А Серия тўпурарлари рўйхатида фақатгина Матео Ретегидан кейин иккинчи ўринда бормоқда. Tuttomercatoweb нашри тарқатган хабарга кўра, Киннинг трансферига Лондоннинг "Арсенал" ва "Тоттенхэм" клублари қизиқиш билдирмоқда, бу ҳақда аввалроқ хабар берилганди, фаолиятини қайта тиклай олган италиялик футболчи учун "Астон Вилла" ҳам курашишга тайёр. "Фиорентина" ҳужумчи учун 52 млн евро талаб қилади - бу унинг шартномасида кўрсатилган товон пули.

Мойзе Кин "бинафшаранглилар" сафига ўтган йилнинг ёзида "Ювентус"дан келиб қўшилганди.