Мадриднинг "Атлетико" клуби президенти бўлиб ишлаётган Энрике Сересо замонавий футболда видеотакрорлар тизимидан (VAR) фойдаланиш ҳақида танқидий фикр билдирди.
"Ҳакамларни танқид қилишдан тийилиш ва уларга ўз вазифаларини бажаришга имкон бериш керак. Улар адолатли ва холис ҳакамликни таъминлашлари керак. VAR тизими ҳакамларнинг яхши ишлаш даражасини йўқ қилди. Аммо ҳеч ким буни тан олишни истамаяпти, шунинг учун ҳаммаси ўзгаришсиз қолади," - дея Сересонинг сўзларини келтиради AS.













