"Манчестер Юнайтед" шарафини ҳимоя қилаётган ярим ҳимоячи Мэйсон Маунт ва чап қанот ҳимоячиси Люк Шоу жароҳатидан тикланишда давом этмоқда.
Ҳар икки футболчи декабрь ойидан буён майдонга тушмаяпти. "Қизил иблислар" бош мураббийи Рубен Аморим журналистларнинг саволларига жавоб берар экан, ҳозирча Маунт ва Шоунинг қачон сафга қайтишини билмаслигини, бироқ хавбекнинг тикланишига оз қолганини тан олди.
Чоршанба куни "Манчестер Юнайтед" Англия Премьер-лигасининг 27-тури доирасида ўз уйида "Ипсвич"ни қабул қилади.













