Мауро Тассотти Сержиу Консейсау истеъфога чиқарилган тақдирда "Милан"ни вақтинча бошқариши мумкин, деб хабар беради «Il Messaggero».
Клуб раҳбарияти Консейсау ишидан норози, чунки жамоа Чемпионлар Лигаси зонасидан узоқда жойлашган. Португалиялик тез орада истеъфога чиқарилиши мумкин. Агар Сержиунинг ўрни бўшаб қолса, "Милан"ни Тассотти бошқаради.
65 ёшли италиялик мутахассис Украина терма жамоаси ва "Женоа"да Андрей Шевченкога ёрдамчи бўлиб ишлаган. Бунгача у "Милан" скаути, ёрдамчиси ва бош мураббийи бўлган. Февраль ойи ўрталарида Тассотти "Милан U-23"да Даниэле Бонеранинг мураббийлар штабига қўшилганди.
