"Кристал Пэлас" ҳужумчиси Жан-Филипп Матета Англия кубоги доирасида "Миллуолл"га қарши ўйинда жиддий жароҳат олди. Футболчини рақиб жамоа дарвозабони бошига тепди. Натижада Матета алмаштирилди ва шошилинч касалхонага ётқизилди. Ўйиндан сўнг "бургутлар" бош мураббийи Оливер Гласнер футболчининг қулоғи "даҳшатли кўринди" деди. Айни пайтда Матетанинг ўзи ижтимоий тармоқлар орқали баёнот берди.
"Мазкур хабарлар учун барчангизга раҳмат. Мен яхшиман. Тез орада қайтишга умид қиламан. Ва мен ҳар қачонгидан ҳам кучлироқ бўламан. Жамоадаги йигитлар ажойиб, улар бугун ажойиб иш қилишди. Мен сизларни яхши кўраман" - деб ёзган Матета.
"Кристал Пэлас" "Миллуолл"ни 3:1 ҳисобида мағлуб этиб, Англия кубоги чорак финалига чиқди.
