Мадриднинг "Реал" клуби ярим ҳимоячиси Лука Модрич фаолиятини Саудия Арабистони чемпионатида давом эттириш имкониятига эга, дея хабар беради «Todofichajes».
Манбага кўра, 39 ёшли хорватиялик футболчини ўз сафига қўшиб олишга Криштиану Роналду ва Карим Бензема тўп тепаётган "Ан-Наср" ва "Ал-Иттиҳод" клублари қизиқмоқда. Потенциал иш берувчилар Лукага 100 миллион евродан ортиқ икки йиллик меҳнат шартномасини таклиф қилишга тайёр.
"Реал"нинг ўз навбатида Модрич борасида ўз режалари бор. "Қироллик" клуби футболчи билан шартномани 1 йилга узайтирмоқчи.
