Англия терма жамоаси ва "Тоттенхэм"нинг собиқ футболчиси, ҳозирда "Комо" шарафини ҳимоя қилаётган Деле Алли деярли икки йил ичида биринчи марта расмий ўйин қайдномасига киритилди. Ярим ҳимоячи 2 март, якшанба куни А Серия 27-туридан ўрин олган "Рома"га қарши ўйинда майдонга тушиши мумкин.
Деле Алли 735 кун давомида майдонга тушмади. Футболчи сўнгги бор 2023 йилнинг 26 февраль куни "Бешиктош" сафида "Антальяспор"га қарши ўйинда (0:0) майдонга тушганди.
28 ёшли футболчи 2025 йилнинг 19 январида "Комо" билан шартнома имзолади. Футболчининг клуб билан шартномаси 2026 йилнинг ёзигача мўлжалланган.
