"Реал Мадрид"нинг собиқ футболчиси, ҳозирда Мексиканинг "Монтеррей" жамоасида ўйнаётган Серхио Рамос ҳозирги энг севимли футболчиларини номлади. 38 ёшли испаниялик футболчи “қаймоқранглилар”нинг икки вакилини танлади.
"Ҳозирги энг севимли футболчиларим? "Мбаппе ва Винисиус", - деди Рамос Madrid Xtra билан суҳбатда.
Эслатиб ўтамиз, Серхио Рамос 2005 йилдан 2021 йилгача "Реал"да ўйнаган. Шу йилнинг февраль ойида фахрий футболчи "Монтеррей" клуби билан декабрь ойи охиригача шартнома имзолаб, Мексикага кўчиб ўтди. Футболчи янги жамоасида аллақачон битта ўйин ўтказди ва сардорлик боғичини таққан ҳолда майдонга тушди.
