"Барселона" бош мураббийи Ханс-Дитер Флик жамоанинг мағлубиятсиз серияси ҳақида ўз фикрлари билан ўртоқлашди.
"Кўк-анорранглилар" 15 ўйиндан бери мағлубиятга учрамаяпти. Жамоа охирги марта декабрь ойида "Атлетико"га қарши ўйинда (1:2) мағлуб бўлганди.
"Январь ва февраль ойидаги натижалар мени ҳайратда қолдирдими? Бу жамоа билан мени ҳеч нарса ажаблантирмайди. Биз ўз даражамизда бўлсак, ҳамма нарса рўй бериши мумкин. Биз яхши ўйнаймиз ва бор эътиборимизни ҳар бир ўйинга қаратамиз" - деди Флик матбуот анжуманида.
26-турдан кейин "Барселона" 57 очко билан Испания чемпионати турнир жадвалида пешқадамлик қилмоқда. Флик жамоаси навбатдаги ўйинни 5 март куни "Бенфика"га қарши ўтказади.
