"Ювентус" мухлислари "Верона"га қарши ўйинда жамоани ҳуштаклар билан қарши олишди.

А Сериянинг 27-тур ўйини бошланган заҳоти туринлик мухлислар жамоанинг сўнгги натижаларидан норозилик билдириш мақсадида ҳуштак чала бошладилар. Шунингдек, ўйин давомида "Ювентус" мухлислари "Раҳбарият, бизни эшитяпсизми?" деб бақиришди.

Бундан ташқари, ўйиннинг 60-дақиқасида ўтган ёзда "Аталанта"дан 52+7 миллион евро эвазига сотиб олинган Тён Копмейнерс майдонга чиқаётганда ҳам ҳуштак чалиниб қарши олинди. 90-дақиқада эса нидерландиялик ярим ҳимоячи Самуэль Мбангуланинг узатмасидан сўнг гол урди. Ўйин 2:0 ҳисобида "Ювентус"нинг ғалабаси билан якунланди.