"Yuventus" muxlislari "Verona"ga qarshi o‘yinda jamoani hushtaklar bilan qarshi olishdi.

A Seriyaning 27-tur o‘yini boshlangan zahoti turinlik muxlislar jamoaning so‘nggi natijalaridan norozilik bildirish maqsadida hushtak chala boshladilar. Shuningdek, o‘yin davomida "Yuventus" muxlislari "Rahbariyat, bizni eshityapsizmi?" deb baqirishdi.

Bundan tashqari, o‘yinning 60-daqiqasida o‘tgan yozda "Atalanta"dan 52+7 million yevro evaziga sotib olingan Tyon Kopmeyners maydonga chiqayotganda ham hushtak chalinib qarshi olindi. 90-daqiqada esa niderlandiyalik yarim himoyachi Samuel Mbangulaning uzatmasidan so‘ng gol urdi. O‘yin 2:0 hisobida "Yuventus"ning g‘alabasi bilan yakunlandi.