"Ливерпуль" посбони Алиссон Бекер кетишга шошилмаяпти. Миш-мишларга ишонадиган бўлсак, бразилиялик футболчига бошқа клублар қизиқиш билдирмоқда ва унинг ўрнини келаси мавсумдан бошлаб Георгий Мамардашвили эгаллаши мумкин. Шунга қарамай, Anfield Watch маълумотларига кўра, Алиссоннинг ўзи "Ливерпуль"да бахтли ва яқин келажакда жамоасини ўзгартириш ниятида эмас.
Алиссон 2018 йилдан бери "қизиллар" шарафини ҳимоя қилиб келмоқда. 32 ёшли дарвозабоннинг мерсисайдликлар билан меҳнат шартномаси 2027 йилнинг ярмигача мўлжалланган. Жорий мавсумда кипер барча мусобақаларда 25 та ўйинда майдонга тушиб, 20 та гол ўтказиб юборган.
Георгий Мамардашвили "Валенсия"да ижара асосида тўп тепмоқда. У келаётган ёзда "Ливерпуль" сафини тўлдиради.
