Ўзбекистон аёллар терма жамоаси Осиё кубоги саралаш босқичини ўта йирик ғалаба билан бошлади. Владислав Хан шогирдлари Кувайт терма жамоаси дарвозасига жавобсиз 18та (!) гол йўллашди. Вакилаларимиз ўртача ҳар беш дақиқа биттадан гол уришган. Биринчи бўлимдан кейин ҳисоб эса 11:0 эди.

"Севинч" футболчиси Зебо Жўраева 8та гол уришга муваффақ бўлди.

Гуруҳнинг яна бир баҳсида саралаш ўйинларига мезбонлик қилаётган Иордания Ливанни 5:0 ҳисобида мағлуб этди.

Ўзбекистон терма жамоаси яна икки кундан кейин, 7 июнь куни Ливан терма жамоасига қарши баҳс олиб боради. Иорданияга қарши сўнгги баҳс эса 9 июнь куни бўлиб ўтади.

Эслатиб ўтамиз, гуруҳда 1-ўринни эгаллаган жамоа келаси йили Вьетнамда бўлиб ўтадиган Осиё кубогида иштирок этиш ҳуқуқини қўлга киритади. Осиёнинг энг кучли 5та жамоаси эса 2015 йили Канадада бўладиган Жаҳон чемпионатида қатнашади.

Осиё кубоги-2014. Саралаш, "А" гуруҳи. Иордания
ЎЗБЕКИСТОН - КУВАЙТ - 18:0 (11:0)
Голлар: Зебо Жўраева (4, 14, 21, 35, 45+1, 51, 58, 73), Феруза Турдибоева (6,42), Маҳлиё Сарикова (31, 51), Маҳфуза Туропова (34, 36, 65, 70), Камола Рисқиева (23), Мария Моисеева (70), Фазилат Баҳромова (72), Танзиля Зарбиева (78)
Ўзбекистон: Олга Қаҳҳорова, Шаҳзода Жамолова, Садоқат Рўзиева, Азиза Эрматова (Танзиля Сабриева 57), Феруза Турдибоева, Маҳлиё Сарикова (Мария Моисеева 51), Зебо Жўраева, Маҳфуза Туропова (Фазилат Баҳромова 70), Камола Рисқиева, Камола Усмонова (С), Лиуза Тошметова
Бош ҳакам: Мария Пиедад Ребелло (Ҳиндистон)

ИОРДАНИЯ - ЛИВАН - 5:0

7 май, жума
18:00. Ливан - Ўзбекистон
21:00. Кувайт - Иордания

9 май, якшанба
18:00 Ливан - Кувайт
21:00. Ўзбекистон - Иордания

Изоҳ: Ўйинлар бошланиши Тошкент вақти билан берилган.